Beheerliggaam 

Naam

Posisie

Selfoon

E-pos

Paul Els

Voorsitter

082 990 9003

This e-mail address is being protected from spambots. You need JavaScript enabled to view it

Johan Raath

O-Voorsitter

082 781 1156

This e-mail address is being protected from spambots. You need JavaScript enabled to view it

Ben van Rhijn

Finansies

082 576 9994

This e-mail address is being protected from spambots. You need JavaScript enabled to view it

Paul Slater

Bemarking

083 625 7696

This e-mail address is being protected from spambots. You need JavaScript enabled to view it

 Beheerliggaam 2010 - 2012

Die huidige BL het geweldig bygedra tot die vooruitgang van die skool. Onder die voorsitterskap van Paul Slater het ons ‘n nuwe elektroniese era betree. Hy, homself ‘n IT kenner, het ons as bestuur geweldig ondersteun met die daarstel van die nuwe rekenaarsentrum. Ons nuwe rigting wat webblaaie betref asook telefoon IT, Facebook ens. het ‘n nuwe dimensie verleen aan die skool se IT vordering. Gedurende Paul se termyn as Voorsitter het die skool se bestuur beduidend verander deurdat ons ‘n nuwe Hoof en Adjunkhoof aangestel het. Dit kon potensieel ‘n baie onrustige tydperk ingely het. Maar met sy mooi gebalanseerde persoonlikheid het hy ons na “waters waar rus is” gelei. Hy moes as gevolg van persoonlike redes as voorsitter uittree en dien nou net as BL –lid. Ons is hom geweldig dankbaar.

Paul Els is amper ‘n lewenslange diener van die skool. Hy is al vir die laaste 12 – 14 jaar op een of ander komitee van die skool. Huidiglik is Paul Voorsitter en ook Voorsitter van die Sentrale Ouer Komitee. Sy betrokkenheid sal gemis word. Sy bydraes met projekte soos die plaveisel het ‘n groot verskil gemaak. Die ITEC JF Prestige Fietswedren het met sy leiding en hulp gegroei van ‘n Prettrap tot ‘n Prestige Wedren wat wyd en suid bekend is as ‘n kwalifiserende wedren vir grotes soos die Argus. Die geweldige bydrae wat hy gelewer het met daarstel van die PRE-PRIMêRE SKOOL JIM FOUCHé – Saailand kan nie bereken word nie.

Ons Regsgeleerde kollega en vriend Johan Raath het ‘n geweldige impak gehad ten opsigte van sake wat die wet behels. Onder sy leiding het die vordering van uitstaande skoolgelde geweldig verbeter en kan ons spog met ‘n baie lae afskrywe van oninbare skoolfonds. Sy kennis tov die wet het ons telkens uit die moeilikheid gehou. Sy bereidwilligheid om op baie spoggerige uithang geleendhede as fotograaf op te tree in pleks daarvan om sy plek as eregas in te neem, dui op sy nederige karakter.

U sal onthou dat dit gedurende 2008 – 2009 finansiël uiters moeilik gegaan het met die skool. Toe verskyn Ben van Rhijn op die toneel. Saam het hy en Soekie Strachan die skool weer op ‘n gesonde finansiële pad geplaas. Ons kan nou met groot dankbaarheid sê dat dit uiters goed gaan met die skool se finansies. Ons spandeer gedurende die laaste kwartaal in die omgewing van R 70 000 aan onderhoud en vernuwing aan die geboue en terrein. Dit is slegs moontlik nadat hy en Soekie geweldige finansiële dissipline aan die dag gelê het tydens 2010 -2011. Ons dank hom vir sy groot bydrae tot die gesonde finansiële posisie waarin die skool hom bevind.

Aan al die lede van ons BL – Hartlike dank vir julle onbaatsigtige hulp en diens aan die Primêre Skool Jim Fouché.

SUID-AFRIKAANSE SKOLEWET 84 VAN 1996

[GOEDGEKEUR OP 6 NOVEMBER 1996]  [DATUM VAN INWERKINGTREDING: 1 JANUARIE 1997]

Uitreksel oor Beheerliggaam van ‘n skool uit die SASW

“[w84j1996a16]16     Beheer en professionele bestuur van openbare skole

            (1) Behoudens hierdie Wet setel die beheer van elke openbare skool in sy beheerliggaam en mag dit slegs sodanige werksaamhede en verpligtinge uitvoer en slegs sodanige regte uitoefen soos deur die Wet voorgeskryf.

[Sub-a. (1) vervang by a. 2 van Wet 57 van 2001.]

            (2) 'n Beheerliggaam staan in 'n vertrouensposisie teenoor die skool.

            (3) Behoudens hierdie Wet en enige toepaslike provinsiale wet, moet die professionele bestuur van 'n openbare skool deur die prinsipaal onder die gesag van die Departementshoof onderneem word.

            (4) Die Departementshoof kan 'n openbare skool in geval van nood tydelik sluit indien hy of sy op redelike gronde glo dat die lewens van die leerders en die personeel in gevaar is of dat daar 'n wesenlike gevaar van liggaamlike leed aan hulle of beskadiging van eiendom bestaan.

[Sub-a. (4) bygevoeg by a. 9 van Wet 48 van 1999.]

            (5) Wanneer die Departementshoof besluit dat die skool moet heropen, moet hy of sy die beheerliggaam en die prinsipaal in kennis stel van die datum waarop die skool moet heropen.

[Sub-a. (5) bygevoeg by a. 9 van Wet 48 van 1999.]

            (6) Die prinsipaal of 'n persoon deur die Departementshoof aangewys, moet die opvoeders en die ouers in kennis stel van die datum in subartikel (5) beoog.

[Sub-a. (6) bygevoeg by a. 9 van Wet 48 van 1999.]

            (7) Indien 'n nuwe openbare skool ingevolge artikel 12 voorsien word, setel die beheer oor dié skool in die Departementshoof totdat 'n beheerliggaam ingevolge hierdie Wet saamgestel is.

[Sub-a. (7) bygevoeg by a. 3 van Wet 53 van 2000.]  ”